აუცილებელია ვიცოდეთ როდის და რა აცრები უნდა ჩავუტაროთ ჩვენს შვილებს. გაიგე რატომ უნდა აცრა შენი შვილი და რა მნიშვნელობა აქვს სავალდებულო აცრებს? 1.B ჰეპატიტის (hepB/Hep B) ვაქცინა - B ჰეპატიტის ვაქცინა B ჰეპატიტისგან იცავს თავად ბავშვსაც და მასთან კონტაქტში მყოფ სხვა ადამიანებსაც. B ჰეპატიტის მქონე ბავშვებს, როგორც წესი, არ აქვთ დაავადების სიმპტომები, მაგრამ შეუძლიათ, ვირუსი სხვებს გადასცენ. B ჰეპატიტის საწინააღმდეგო ვაქცინა რამდენიმე დოზას მოიცავს. პირველი კეთდება სამშობიაროში, დაბადებიდან 12 საათის განმავლობაში, მომდევნოები - მეორე, მესამე და მეოთხე თვეს. თუ დედას სისხლში აღმოაჩნდა B ჰეპატიტის ვირუსის ზედაპირული ანტიგენი (HbsAg), ჩვილს ვაქცინასთან ერთად B ჰეპატიტის საწინააღმდეგო იმუნოგლობულინსაც უკეთებენ. 2. ბცჟ (BCG) – ტუბერკულოზის საწინააღმდეგო ვაქცინა- ტუბერკულოზის საწინააღმდეგო ვაქცინაცია ტარდება სამშობიაროში, დაბადებიდან პირველი 5 დღის განმავლობაში, თუ ეს ვერ მოხერხდა - პირველივე შესაძლებლობისთანავე წლამდე. ამ ასაკის შემდეგ ბცჟ-ს გაკეთება რეკომენდებული არ არის, რადგან ვაქცინის დამცავი ეფექტი იკლებს. 3. ჰექსა – დყატ+Bჰეპ+ჰიb+იპვ ვაქცინა 2, 3, და 4 თვის ასაკში კეთდება კომბინირებული ექვსკომპონენტიანი ვაქცინა დყატ+Bჰეპ+ჰიb+იპვ (ჰექსა/DPaT+HepB+Hib+IPV). დყატ არის დიფტერიის, ყივანახველისა (არაუჯრედულის) და ტეტანუსის საწინააღმდეგო ვაქცინა, B ჰეპ – B ჰეპატიტის, ჰიბ – ჰემოფილუს ინფლუენცა ტიპი ბ–სი, იპვ – ინაქტივირებული პოლიომიელიტისა. კურსი სამ დოზას მოიცავს, აცრებს შორის მინიმალური ინტერვალი 4 კვირაა. ვაქცინირება რეკომენდებულია 24 თვემდე. 4. PNEVMO/PCV – პნევმოკოკის საწინააღმდეგო ვაქცინა პნევმოკოკური ინფექციის საწინააღმდეგო ვაქცინა (PNEVMO/PCV) სამ დოზას მოიცავს. აცრა ტარდება 2, 4, 12 თვის ასაკში. ის ბავშვს იცავს პოტენციურად სასიკვდილო ინფექციებისგან – პნევმოკოკური მენინგიტისა და პნევმოკოკური პნევმონიისგან. ვაქცინა უსაფრთხო და ეფექტურია, თუმცა არ არის გამორიცხული მსუბუქად გამოხატული გვერდითი მოვლენები. 5. როტა/ROTA - ვირუსის საწინააღმდეგო ვაქცინა როტავირუსული ინფექციის საწინააღმდეგო ვაქცინა (როტა/Rota) ინიშნება პერორალურად (წვეთებით). კურსი ორ დოზას მოიცავს. პირველი დოზის მიცემა რეკომენდებულია 16 კვირამდე, მეორისა – 24 კვირამდე. აცრა ბავშვს იცავს როტავირუსით გამოწვეული ძლიერი დიარეის, ღებინებისა და მუცლის ტკივილისგან. ვაქცინა უსაფრთხოა, თუმცა, როგორც ნებისმიერმა წამალმა, შესაძლოა გამოიწვიოს მსუბუქი თანამოვლენებიც (დიარეა, ღებინება). 6. წწყ/MMR ვაქცინა წითელა-წითურა-ყბაყურას (წწყ/MMR) ვაქცინაციის კურსი ორდოზიანია, ტარდება 12 თვისა და 5 წლის ასაკში. არავაქცინირებული ბავშვები და მოზარდები უნდა აიცრან წწყ ვაქცინის 2 დოზით. აცრა იცავს წითელასგან, ყბაყურასა და წითურასგან. ის უსაფრთხოა. ამ აცრასა და აუტიზმს შორის კავშირი არ არსებობს. თანმხლები მოვლენები მსუბუქია, მოიცავს ტკივილს, სიწითლეს ან შეშუპებას აცრის ადგილას, 7.დიფთერია,ყივანახველა,ტეტანუსი , პოლიომელიტი (DTaP/P) - საწინააღმდეგო ვაქცინა დიფთერია, ყივანახველა (არაუჯრედული), ტეტანუსი, ინაქტივირებული პოლიომიელიტის საწინააღმდეგო (დყატ/პ) ვაქცინით აცრა (რევაქცინაცია) ტარდება 18 თვის და 5 წლის ასაკში. 8.ტეტანუსი-დიფთერია (Td) - საწინააღმდეგო ვაქცინა ვაქცინა შეიცავს დიფტერიისა და ტეტანუსის ანატოქსინებს - ბაქტერიული ტოქსინების დასუსტებულ ფორმებს, რომლებიც ქმნიან იმუნურ სისტემას დაავადების გამოწვევის გარეშე. დიფტერია და ტეტანუსი წარმოადგენს სიცოცხლისთვის საშიშ ბაქტერიულ ინფექციებს, რომლებიც, მკურნალობის შემთხვევაშიც კი, შეიძლება დასრულდეს მძიმე გართულებებით, განსაკუთრებით ბავშვებში; 9. გრიპის აცრა გრიპის ყოველწლიური ვაქცინაცია საუკეთესო საშუალებაა გრიპისა და მისი პოტენციურად მძიმე გართულებებისგან ბავშვის დასაცავად. ექიმები გვირჩევენ, 6 თვიდან ბავშვს ყოველ შემოდგომაზე – სასურველია, ოქტომბრის ბოლომდე – ჩავუტაროთ გრიპის ვაქცინაცია. ზოგ ბავშვს შესაძლოა 2 დოზა დასჭირდეს. თუ ოქტომბრის ბოლომდე ვერ ავცერით, შეიძლება მოგვიანებით აცრაც . ქალებმა გრიპის ვაქცინაცია უნდა ჩაიტარონ ყოველი ორსულობის დროს. 10. ადამიანის პაპილომავირუსის საწინააღმდეგო ვაქცინა (აპვ (HPV))-9კომპონენტიანი მდედრობითი სქესის 13-45 წლის ადამიანებში: 15 წლამდე ასაკობრივ ჯგუფში — ვაქცინის ორი დოზა მინიმუმ 6-თვიანი შუალედით; 15-45 წლის ასაკობრივ ჯგუფში — ვაქცინის სამი დოზა სქემით: 0-2-6 თვე (ანუ ვაქცინის მეორე დოზა საწყისიდან 2 თვის შემდეგ მიიღება, მესამე კი — მე-6 თვეს). მამრობითი სქესის 13-26 წლის ადამიანებში: 15 წლამდე ასაკობრივ ჯგუფში — ვაქცინის ორი დოზა მინიმუმ 6-თვიანი შუალედით; 15-26 წლის ასაკობრივ ჯგუფში — ვაქცინის სამი დოზა სქემით: 0-2-6 თვე. ადამიანის პაპილომავირუსების ჯგუფი 200-ზე მეტ ვირუსს აერთიანებს. ინფიცირდებიან მოზრდილებიც და მოზარდებიც. ზოგიერთი ვირუსი იწვევს, სქესის შესაბამისად, საშვილოსნოს ყელის, საშოს, ვულვის, ასოს კიბოს, ორივე სქესის ადამიანებთან – ანალურ კიბოს, ენის ფუძისა და ნუშისებრი ჯირკვლების კიბოს, გენიტალურ მეჭეჭებს. HPV ვრცელდება სქესობრივი კავშირის შედეგად. ის იმდენად გავრცელებულია, რომ ცხოვრების ამა თუ იმ ეტაპზე თითქმის ყველა ადამიანი ავადდება. იყავი ინფორმირებული როგორ დაიცვა თავი სხვადასხვა ინფექციებისგან და მართე შენი ჯანმრთელი მომავალი!

ზაფხული ბევრისთვის სიხარულთან ასოცირდება, თუმცა იმ ადამიანებისთვის, ვისაც ქრონიკული ვენური უკმარისობა აწუხებთ, ეს სეზონი შეიძლება საკმაოდ არასასიამოვნო აღმოჩნდეს. მაღალი ტემპერატურა უარყოფითად მოქმედებს ვენურ სისტემაზე და აუარესებს სიმპტომებს, რაც გავლენას ახდენს როგორც ყოველდღიურ კომფორტზე, ისე ზოგად ჯანმრთელობაზე. რა გავლენას ახდენს სიცხე ვენებზე? მაღალ ტემპერატურაზე ვენები ფართოვდება, რის შედეგადაც სისხლის ნაკადი ნელდება. ეს პროცესები განსაკუთრებით რთულია იმ ადამიანებისთვის, ვინც უკვე იტანჯებიან ვენური უკმარისობით. სიმპტომები: ფეხების შეშუპება, განსაკუთრებით დღის ბოლოს სიმძიმის და დაღლილობის შეგრძნება ქვედა კიდურებში ტკივილი ან წვა ვარიკოზული ვენების გამოკვეთა ექიმის რჩევები – როგორ შევიმსუბუქოთ მდგომარეობა? ლიკა მამასახლისის რჩევები: დღის აღნიშნულ მონაკვეთში (12:00–16:00) ერიდეთ აქტიურ მოძრაობასა და დატვირთვას ღია სივრცეში გამოიყენეთ კომპრესიული წინდები – მხოლოდ ექიმის რეკომენდაციით ატარეთ თავისუფალი, მსუბუქი ტანსაცმელი, რაც ხელს უწყობს თერმული ბალანსის შენარჩუნებას შეამცირეთ ცხელი აბაზანებისა და შხაპის ხანგრძლივობა მიიღეთ საკმარისი რაოდენობით სითხე – მინიმუმ 1.5–2 ლიტრი წყალი დღეში მოერიდეთ ცხიმიან და მძიმე საკვებს – მათ შეუძლიათ გაზარდონ ანთებითი პროცესები ყოველდღიური მსუბუქი ფიზიკური აქტივობა – ხელს უწყობს სისხლის ცირკულაციას რეკომენდებულია ზღვაში ცურვა – ეს ბუნებრივი ჰიდრომასაჟია ვენებისთვის სასარგებლოა მაგნიტური ქვიშები ცხელი ქვიშები – არ არის რეკომენდებული! როდის მივმართოთ ექიმს? თუ გაწუხებთ: ძლიერი ტკივილი კანის ფერის ან სტრუქტურის ცვლილება ზედაპირული ვენების ანთება ფეხის მკვეთრი შეშუპება, ტკივილი, სიწითლე აუცილებელია დროული კონსულტაცია. უყურადღებოდ დატოვებულმა ვენურმა პრობლემებმა შესაძლოა სერიოზული გართულებები გამოიწვიოს.

ჯანსაღ კვებას მნიშვნელოვანი როლი აქვს ჯანმრთელობის შენარჩუნებაში. ის ხელს უწყობს ორგანიზმის სწორ ფუნქციონირებას, გიცავთ ქრონიკული დაავადებებისგან და აძლიერებს იმუნურ სისტემას. გთავაზობთ რჩევებს, რომელთა გათვალისწინებაც დაგეხმარებათ ჯანსაღი კვების ჩვევების ჩამოყალიბებაში. ჯანსაღი კვების ძირითადი კომპონენტები: ნახშირწყლები — ორგანიზმის ენერგიის მთავარი წყაროა. სასურველია, ყოველდღიური რაციონის დაახლოებით მესამედი სწორედ ნახშირწყლებისგან შედგებოდეს. ხილი და ბოსტნეული — მდიდარია ბოჭკოებით, ვიტამინებით და მინერალებით. ისინი აუცილებელია კუჭ-ნაწლავის ნორმალური მუშაობისთვის და იმუნური სისტემის გასაძლიერებლად. რძე და რძის პროდუქტები — წარმოადგენს ცილებისა და კალციუმის მნიშვნელოვან წყაროს. კალციუმი აუცილებელია ჯანმრთელი ძვლებისა და კბილებისთვის. ცილები (პროტეინი) — შეიცავს ამინომჟავებს, რომლებიც სხეულის სამშენებლო ელემენტებია. ცილების მიღება შესაძლებელია ხორცის, თევზის, კვერცხის, ლობიოს, პარკოსნებისა და თხილეულის საშუალებით. ჯანსაღი ცხიმები — აუცილებელია ორგანიზმისთვის, ეხმარება გარკვეული ვიტამინების ათვისებაში და ხელს უწყობს ზრდას, განვითარებასა და ჰორმონალურ ბალანსს. ჯანსაღი კვების სარგებელი: ხელს უწყობს გულის დაავადებებისა და ინსულტის პრევენციას აუმჯობესებს ქოლესტერინის დონეს ამცირებს არტერიულ წნევას ეხმარება სისხლში შაქრის დონის კონტროლში ხელს უწყობს წონის ნორმალიზებას და შენარჩუნებას დასკვნა: ჯანსაღი კვება არის ცხოვრების სტილი, რომელიც ხელს უწყობს ფიზიკურ და ფსიქოლოგიურ კეთილდღეობას. მისი სწორი დაგეგმვითა და რეალურ ცხოვრებაში დანერგვით შესაძლებელია მრავალი ჯანმრთელობის რისკის შემცირება. ოჯახის ექიმის რჩევების გათვალისწინება დაგეხმარებათ სწორ გზაზე დადგომაში. დამატებითი კონსულტაციისთვის შეგიძლიათ მიმართოთ მედკაპიტალის ოჯახის ექიმს.

კიბოს სკრინინგი საქართველოში: რა უნდა იცოდეთ საქართველოში მოქმედებს კიბოს სკრინინგის პროგრამა, რომელიც ითვალისწინებს ძუძუს, საშვილოსნოს ყელისა და მსხვილი ნაწლავის კიბოს გამოვლენას. პროგრამის ფარგლებში სერვისები ხელმისაწვდომია საქართველოს სხვადასხვა ქალაქებში. სკრინინგის მიზანია, აღმოაჩინოს შესაბამისი პათოლოგიური ცვლილებები სიმპტომების გამოვლენამდე. კიბოს სკრინინგის ჩატრება უზრუნველყოფს დაავადების განვითარებისა და სიკვდილიანობის რისკის მკვეთრ შეზღუდვას. 40-70 ასაკის ქალებში ძუძუს კიბოს სკრინინგი ტარდება უფასოდ. პროგრამა უზრუნველყოფს მამოგრაფიას. პათოლოგიური ცვლილებების შემთხვევაში, მამოლოგის კონსულტაციასა და ექოსკოპიურ კვლევას. ძუძუს სკრინინგი სახელმწიფო პროგრამის ფარგლებში ტარდება 2 წელიწადში ერთხელ უფასოდ. 25-60 წლის ასაკში საშვილოსნოს ყელის კიბოს სკრინინგი ტარდება უფასოდ. 50-70 წლის ასაკში ქალებსა და მამაკაცებში მსხვილი ნაწლავის სკრინინგი ტარდება უფასოდ. ძუძუს კიბო: რისკ-ფაქტორები და ნიშნები ძუძუს კიბო არის ყველაზე გავრცელებული დაავადება ქალებში, რომელიც შესაძლოა დაკავშირებული იყოს შემდეგ რისკ-ფაქტორებთან: მავნე ჩვევები, თამბაქოსა და ალკოჰოლის მოხმარება, ჭარბი წონა, დაბალი ფიზიკური აქტივობა. ძუძუს კიბოს სკრინინგი პირველი ნაბიჯია კიბოს გამოვლენაში. ამის შემდეგ აუცილებელია ძუძუს რეგულარული თვითგასინჯვა თვეში ერთხელ და პროფილაქტიკური ვიზიტი მამოლოგთან. კიბოს პროტოკლით მკურნალობა დამოკიდებულია სტადიის სიზუსტეზე. ძუძუს კიბოს სიმპტომები: ძუძუს წონაში მატება ჩაღრმავებები დვრილის დეფორმაცია ფერის შეცვლა გამონადენი და ტკივილი სარძევე ჯირკვლის არეში მკურნალობა ძუძუს კიბოს მკურნალობა კომპლექსურია და მოიცავს სხივურ თერაპიას, ქიმიოთერაპიას, ტარგეტულ თერაპიას, ჰორმონოთერაპიას, იმუნოთერაპიას და ქირურგიულ მკურნალობას. რა მეთოდით და რა თანმიმდევრობით დაინიშნება მკურნალობა, დამოკიდებულია ძუძუს კიბოს სტადიაზე. მამაკაცებში ძუძუს კიბო აღსანიშნავია, რომ ძუძუს კიბო მამაკაცებშიც გვხდება. პროცენტულად უფრო ნაკლებ შემთხვევაში, მაგრამ საკმაოდ რთულად მიმდინარეობს. მნიშვნელოვანია დროული სკრინინგი! ჩაიტარეთ სახელმწიფო პროგრამით გათვალისწინებული სკრინინგი, რათა თავიდან აიცილოთ დაავადების განვითარება და დარწმუნდეთ თქვენს ჯანმრთელობაში! ლიკა მამასახლისი, მედკაპიტალის ოჯახის ექიმი

საყურადღებო სიმპტომები და გინეკოლოგიური რისკების პრევენცია! ქალის ჯანმრთელობა მუდმივი ყურადღებისა და ზრუნვის საგანს წარმოადგენს. გინეკოლოგიური პრობლემების საწყის ეტაპზე, ხშირ შემთხვევაში, გარკვეული სიმპტომები იჩენს თავს, რაც დროული რეაგირების შემთხვევაში, სერიოზული გართულებების თავიდან აცილების შესაძლებლობას გვაძლევს. საყურადღებო სიმპტომები, რომლებიც უნდა იცოდეთ: უჩვეულო გამონადენი – თუ შეამჩნიეთ მუქი, სუნიანი ან უჩვეულო კონსისტენციის გამონადენი, სასურველია დაუყოვნებლივ მიმართოთ გინეკოლოგს. მუცლის ქვედა ნაწილის ტკივილი – ეს სიმპტომი შესაძლოა მიუთითებდეს მრავალი გინეკოლოგიური პრობლემის არსებობაზე, მათ შორის ანთებითი დაავადებებისა და კისტების. არარეგულარული მენსტრუაცია – მენსტრუაციული ციკლის დარღვევები სერიოზული პრობლემების სიგნალი შეიძლება იყოს, როგორიცაა ჰორმონალური დარღვევები. ტკივილი სქესობრივი აქტის დროს – შესაძლოა იყოს დაკავშირებული ენდომეტრიოზთან, ანთებასთან ან სხვა პათოლოგიებთან. უჩვეულო ქავილი ან სიწითლე – ეს სიმპტომები ხშირად ინფექციის ნიშნებია, ამიტომ აუცილებელია დროული მკურნალობა. როგორ დავიცვათ თავი გინეკოლოგიური რისკებისგან? რეგულარული ვიზიტები გინეკოლოგთან – მინიმუმ 6 თვეში ერთხელ მიმართეთ ექიმს პროფილაქტიკისთვის. ჯანმრთელობის მონიტორინგი – ყურადღებით დააკვირდით თქვენს ორგანიზმს და რეაგირება მოახდინეთ ნებისმიერ ცვლილებაზე. ჰიგიენის დაცვა – სწორად აღსრულებული ჰიგიენა მნიშვნელოვან როლს ასრულებს ინფექციების პრევენციაში. თქვენი ჯანმრთელობა თქვენზეა დამოკიდებული – თუ დროულად მიიღებთ საჭირო ზომებს, შეძლებთ თავიდან აიცილოთ ბევრი გართულება. დაგვიკავშირდით ახლავე: 032 272 09 09

რა არის ბაქტერიული ვაგინიტი? ბაქტერიული ვაგინიტი არის ყველაზე გავრცელებული ვაგინალური ინფექცია, რომელიც გამოწვეულია ვაგინალური მიკროფლორის ბალანსის დარღვევით. გამომწვევი მიზეზები: ბაქტერიული ვაგინიტი არ არის სქესობრივი გზით გადამდები ინფექცია, თუმცა მისი განვითარების რისკი იზრდება, თუ ქალი ხშირად იცვლის სქესობრივ პარტნიორებს. გამომწვევ მიზეზებს შორისაა: ვაგინალური მიკროფლორის დარღვევა ინტიმური ჰიგიენისთვის არასწორი პროდუქტების გამოყენება სქესობრივი პარტნიორების ხშირი ცვლილება არასწორი კვება ან მკაცრი დიეტები. ჰორმონალური ცვლილებები, მაგალითად, ორსულობა, მენოპაუზა... ანტიბიოტიკების ხშირი გამოყენება, რაც ახდენს ნორმალური ბაქტერიული ფლორის დარღვევას არაჯანსაღი ცხოვრების წესი ალკოჰოლის გადამეტებული მოხმარება აბორტი საშარდე სისტემის ანთებითი პროცესები სასქესო ორგანოების ტრამვა დაქვეითებული იმუნიტეტი სიმპტომები: ბაქტერიული ვაგინიტის მთავარი სიმპტომებია: ვაგინალური გამონადენის ზრდა არასასიამოვნო სუნი, განსაკუთრებით თევზის მსგავსი სუნი ქავილი წვის შეგრძნება სხეულის ტემპერატურის მომატება გახშირებული შარდვა სიმძიმის შეგრძნება, დისკომფორტი, ტკივილი მუცლის ქვედა ნაწილში ვაგინალური სიმშრალე დიაგნოსტიკა: დიაგნოსტიკა მოიცავს მედკაპიტალის გინეკოლოგთან ვიზიტს, რათა განისაზღვროს ვაგინალური მიკროფლორის მდგომარეობა. პრევენციისთვის რეკომენდებულია ჯანსაღი ცხოვრების წესი, სწორად შერჩეული ინტიმური ჰიგიენის საშუალებები და რეგულარული ვიზიტები მეან-გინეკოლოგთან. სტატია მომზადებულია მეან-გინეკოლოგ ნონა გიშჩუკის მიერ.

ენტეროვირუსები ბავშვებში: სიმპტომები, პროფილაქტიკა და მკურნალობა ენტეროვირუსები განსაკუთრებით ზაფხულში აქტიურდება და ფართოდ გავრცელებულია ბავშვებში. უმეტეს შემთხვევაში, ისინი მხოლოდ მსუბუქი სიმპტომებით ვლინდება, თუმცა ზოგჯერ შეიძლება სერიოზული გართულებებიც გამოიწვიოს. ამ ბლოგში განვიხილავთ, რა არის ენტეროვირუსები, როგორ ავიცილოთ მათგან გამოწვეული გართულებები და რა უნდა გავაკეთოთ მკურნალობისთვის. რა არის ენტეროვირუსები? ენტეროვირუსების არაერთი ტიპია ჩვენთვის ცნობილი. დაინფიცირება ხდება ჰაერწვეთოვანი გზით, დაბინძურებული საკვებითა და წყლით. სიმპტომები ენტეროვირუსული ინფექციების სიმპტომები შეიძლება სხვადასხვაგვარი იყოს და დამოკიდებულია ვირუსის ტიპსა და ორგანიზმის რეაქციაზე. ბავშვებში ყველაზე გავრცელებული სიმპტომებია: ცხელება ყელის ტკივილი გულისრევა, ღებინება და დიარეა გამონაყარი კანზე თვალების შეშუპება და ტკივილი (კონიუნქტივიტი) თავის ტკივილი მიოკარდიტი (გულის კუნთის ანთება) მენინგიტი პროფილაქტიკა ენტეროვირუსული ინფექციების თავიდან აცილებისათვის საჭიროა შემდეგი პროფილაქტიკური ღონისძიებების დაცვა: ხელების ხშირი დაბანა: სწორი ხელის ჰიგიენა ერთ-ერთი საუკეთესო გზაა ვირუსების გავრცელების თავიდან ასაცილებლად. პირადი ჰიგიენა: მოარიდეთ ბავშვები დაბინძურებულ სათამაშოებსა და სხვა საგნებს. საკვებისა და წყლის სისუფთავე მკურნალობა ენტეროვირუსული ინფექციების მკურნალობა დამოკიდებულია სიმპტომებზე და დაავადების სიმძიმეზე: ჰიდრატაცია: საკმარისი რაოდენობის სითხეების მიღება აუცილებელია, განსაკუთრებით დიარეისა და ღებინების დროს. სამედიცინო დახმარება: თუ ბავშვს აღენიშნება სერიოზული სიმპტომები, როგორიცაა ძლიერი თავის ტკივილი, მაღალი სიცხე, კრუნჩხვა ან სუნთქვის გაძნელება, აუცილებელია ექიმის კონსულტაცია.

მოციმციმე არითმიის დროს წინა გული არარეგულარულად იკუმშება და "ციმციმებს". დაავადების მიზეზებია: არტერიული ჰიპერტენზია გულ-სისხლძარღვთა სხვადასხვა პათოლოგიები რევმატიული დეფექტები/სარქველის დაზიანება ფარისებრი ჯირკვლის დაავადება ნარკოტიკული და ალკოჰოლური ინტოქსიკაციები შაქრიანი დიაბეტი ფსიქო-ემოციური დაძაბულობა გულის უკმარისობის დროს მედიკამენტების გადაჭარბებული მიღება წინა გულის მიოკარდის სტრუქტურული ასაკობრივი ცვლილება სიმპტომები: დისკომფორტი გულმკერდის არეში გახშირებული გულისცემა სისუსტე თაბრუსხვევა ხუთვა მწვავე ინსულტის სიმპტომები არარეგულარული პულსი პულსის დეფიციტი გულის მუშაობის დარღვევა უსიამოვნო შეგრძნება გულმკერდის არეში გულყრა დიაგნოსტიკა: კარდიოლოგის მიერ გასინჯვა ელექტროკარდიოგრაფია (ეკგ) გულის ულტრაბგერითი გამოკვლევა კომპიუტერული ტომოგრაფია საშიშროება: მოციმციმე არითმია იწვევს გულის უკმარისობას თრომბოემბოლიურ გართულებებს #მედკაპიტალი - თქვენი ჯანმრთელი მომავლისთვის!

რა არის ალერგიული კონიუნქტივიტი და რა სიმპტომებით ვლინდება ის? თვალის კაკლის ლორწოვანი გარსი - კონიუნქტივა, გამოირჩევა მაღალი მგრძნობელობით სხვადასხვა გამღიზიანებლის მიმართ, რაც იწვევს ალერგიულ რეაქციას მათზე და გამოიხატება მსგავსი სიმპტომებით, როგორებიცაა: ქუთუთოების შეშუპება-სიწითლე კონიუნქტივის ჰიპერემია და შეშუპება მოთეთრო ფერის ლორწოვანი გამონადენი ძლიერ გამოხატული ქავილი ცხვირიდან ლორწოვანი გამონადენი როგორ ხდება დიაგნოსტიკა? ალერგიული კონიუნქტივიტის დიაგნოსტიკა, ძირითადად, ხდება კლინიკურად გამოხატული ნიშნების სიმპტომატიკის მიხედვით. ასევე, გამოიყენება ალერგიული სინჯები. როგორ ხდება მკურნალობა? პირველ რიგში, უნდა მოვარიდოთ პაციენტი ალერგენთან კონტაქტს. მკურნალობა დამოკიდებულია ალერგიის გამოვლენის სიმწვავეზე. რა სახის გართულება შეიძლება განვითარდეს? ხშირ შემთხვევაში, დაგვიანებულმა მომართვიანობამ და გარკვეული ჯგუფის პრეპარატების თვითნებურმა ხანგრძლივმა გამოყენებამ შეიძლება პირიქით, უარყოფიი ზეგავლენა მოახდინოს მხედველობის ორგანოზე.

ფიზიოთერაპია მედიცინის დარგია, რომელიც შეისწავლის ფიზიკური ფაქტორების გავლენას ადამიანის ორგანიზმზე და შეიმუშავებს მათი გამოყენების მეთოდებს სხვადასხვა დაავადებების მკურნალობის, პროფილაქტიკისა და რეაბილიტაციისთვის. ფიზიოთერაპია მნიშვნელოვნად ამცირებს მკურნალობის ხანგრძლივობას, არ იწვევს ალერგიულ ფონს და არ ქმნის წამალზე დამოკიდებულებას. ფიზიოთერაპია უმტკივნეულო არაინვაზიური მეთოდია, რომელიც ახანგრძლივებს დაავადების რემისიის პერიოდს. სტატისტიკის მიხედვით გავრცელებული სახეებია: ნევროლოგიური ფიზიოთერაპია და ორთოპედიული ფიზიოთერაპია სტატისტიკურად ყველაზე მოთხოვნადი სახეებია: ელექტროფორეზი ფონოფორეზი ლაზერო თერაპია ულტრამაღალი სიხშირის თერაპია მაგნიტო თერაპია პრესო თერაპია თუ ტკივილის შესამსუბუქებლად და საერთო ჯანმრთელობაზე საზრუნავად ხერხებს ეძებთ, ფიზიოთერაპევტთან კონსულტაცია დაგეხმარებათ თქვენს საჭიროებებზე მორგებული ეფექტური კურსის შედგენაში

შაკიკი ქრონიკული დაავადებაა, რომელიც ვლინდება პერიოდული გარდამავალი სიმპტომატიკით: თავის ტკივილი, ასიმეტრიული ან სიმეტრიული თაბრუსხვევა მხედველობის არეში ბრჭყვიალა წერტილები ან ზიგზაგები თვალების ტკივილი სინათლის ან ხმაურის აუტანლობა (ფოტო და ფონოფობია) შაკიკი შესაძლოა გამოვლინდეს მხოლოდ თაბრუსხვევით - ასაკიანებში, ან მუცლის ტკივილით, უმეტესად ბავშვებში. შეტევის მაპროვოცირებელი ფაქტორებია: თამბაქო ალკოჰოლი (უმეტესად წითელი ღვინო) გაზიანი სასმელები უძილობა ან ჭარბი ძილი დაქვეითებული ან ჭარბი კვება მენსტრუალური ციკლი ამინდის ცვალებადობა მონიტორთან ხანგრძლივი ჯდომა პაციენტებმა ხშირად არ იციან თავის ტკივილის მიზეზი და წლობით მკურნალობენ არასწორად დასმული დიაგნოზებით, ესენია: ქალაშიდა წნევა კისრის ოსტეოქონდროზი ჰაიმორიტი ან ფრონტიტი ბავშვებში ჰელმინთოზი და ა.შ პაციენტები ხშირად, ექიმის რეკომენდაციის გარეშე, იტარებენ ლაბორატორიულ, რენტგენოლოგიურ, კტ და სხვა კვლევებს, მაგრამ ვერ პოულობენ თავის ტკივილის მიზეზს, იტარებენ თვითმკურნალობას, რაც იწვევს მედიკამენტების ჭარბი რაოდენობით მიღებულ მეორეულ თავის ტკივილს. შაკიკის არანამკურნალევი შემთხვევა ხშირად გადადის დეპრესიაში, ან ინსულტის მაპროვოცირებელი ფაქტორიც შეიძლება გახდეს. შაკიკის ხშირი და ხანგრძლივი შეტევები არის შრომისუნარიანობის დაქვეითების სერიოზული მიზეზი. აღნიშნული დაავადების სწორი დიაგნოსტიკა, პრევენცია და მკურნალობა საგრძნობლად გაგიუმჯობესებთ ცხოვრების ხარისხს — ლუიზა აწყვერელი - მედკაპიტალის სამგორის ფილიალის ნევროლოგი. #მედკაპიტალი - თქვენი ჯანმრთელი მომავლისთვის!

მედკაპიტალის დიდუბის ფილიალის ექიმი ოფთალმოლოგი ხატია ხუციშვილი საუბრობს ფართოდ გავრცელებული მშრალი თვალის სინდრომის შესახებ. რა არის მშრალი თვალის სინდრომი? მშრალი თვალის სინდრომი გამოწვეულია ბალანსის დარღვევით - თვალის ზედაპირის არასაკმარისი დატენიანებით. საცრემლე ჯირკვლებში აღარ გამომუშავდება საკმარისი რაოდენობის ცრემლი. ხდება მისი რაოდენობრივი ან ხარისხობრივი ცვლილება ( შესაძლებელია ორივე ერთად). ბოლო 20 წლის განმავლობაში, მშრალი თვალის სინდრომის დიაგნოსტირების შემთხვევები 5-ჯერ გაიზარდა. რა სიმპტომები ახასიათებს მშრალი თვალის სინდრომს? თვალების წვის, სიმშრალისა და უცხო სხეულის შეგრძნება თვალების სიწითლე, ტკივილი და ქავილი ქუთუთოების სიმძიმისა და დაღლილობის შეგრძნება/შეშუპება სინათლის შიში, ცრემლდენა, მხედველობის დაბინდვა, საგნის აღქმის გაძნელება. რა იწვევს მშრალი თვალის სინდრომს? კომპიუტერთან/ტელეფონთან... ხანგრძლივი მუშაობა კონტაქტური ლინზების გამოყენება - არასწორი მოხმარება ასაკობრივი ცვლილებები საცრემლე სითხის წარმოქმნასა და შემადგენლობაში გარემო პირობები, როგორიცაა: მშრალი ჰაერი შენობაში, კონდიცირება, მტვერი, ქარი, ყინვა, მზე... სხვადასხვა სახის მედიკამენტები სხვადასხვა სახის კოსმეტიკური საშუალებების მოხმარება და არასწორი ჰიგიენა უკონტროლოდ გამოყენებული ქიმიკატები წყალსა და საცურაო აუზებში, როგორიცაა ქლორი. პროფესიული შემხებლობა მუდმივ ქიმიურ დანამატებთან, ქსოვილებთან, მტვერთან. (მაგ: მკერავები, ადამიანები, რომლებიც მუშაობენ კვარცთან, მარმარილოსთან, დასუფთავების სამსახურსა და ხის საამქროებში). როგორ ვუმკურნალოთ მშრალი თვალის სინდრომს? მშრალ თვალს აქვს მნიშვნელოვანი გავლენა სიცოცხლის ხარისხსა და ჯანმრთელობაზე. იგი საგრძნობლად აქვეითებს ადამიანის საერთო აქტივობასა და შრომისუნარიანობას; დიაგნოზის დასმის შემდეგ, მნიშვნელოვანია, დროული მკურნალობა. დეტალური ინფორმაციის მისაღებად მოგვწერეთ პირად შეტყობინებებში, ეწვიეთ მედკაპიტალის ვებ-გვერდს, ან დაგვიკავშირდით ნომერზე: 032 272 09 09

აქონდროპლაზია ადამიანის ჩონჩხის თანდაყოლილი უხშირესი დისპლაზიაა, იგი გამოწვეულია ჩონჩხის ენდოქონდრული გაძვალების დარღვევით აქონდროპლაზია არაპროპორციული ტანდაბლობით, კიდურების სიმოკლით ვლინდება აღსანიშნია, რომ აქონდროპლაზიის მქონდე ბავშვების უდიდეს ნაწილში ორივე მშობელი საშუალო/ნორმალური სიმაღლისაა. ამასთან, აქონდროპლაზია ორივე სქესსა და ყველა რასაში თანაბრად ვრცელდება. როგორც წესი, ჩონჩხის დისპლაზიის ულტრაბგერითი ნიშნები არ ვლინდება გესტაციის 24 - 26 კვირამდე. კლინიკური ნიშნებიდან უნდა გამოვყოთ: წინ წამოწეული შუბლი, დიდი ზომის თავი (მაკროცეფალია), ჩაზნექილი ცხვირის ფუძე, წინ წამოწეული ყბა. გრძელი და ვიწრო გულმკერდი ხერხემლის დეფორმაცია და კიფოზი იდაყვის სახსარში მოძრაობის შეზღუდვა მოკლე კიდურები მოკლე ხელები, მოკლე თითები, სამკუთხა მტევანი, ბრაქიდაქტილია. განიერი, მოკლე და ბრტყელი ტერფები მნიშვნელოვანია, რომ 2 წლის ასაკიდან ხდებოდეს მუდმივი მონიტორინგი სხეულის პროპორციების, მაგ: - თავის გარშემოწერილობის, კიდურების სიგრძის. აქონდროპლაზიის მქონე ბავშვებში, უმეტესად, კეფის დიდი ხვრელის სტენოზი, ხერხემლის სტენოზი, ძილის აპნოე, კიფოზი გვხვდება… იმის გამო, რომ ჩვილებისა და ადრეული ასაკის ბავშვებისათვის, კეფის დიდი ხვრელის სტენოზის განვითარება სიცოცხლისთვის საშიშია, ადრეული დიაგნოსტიკაა აუცილებელი. სიმპტომებიდან გამოვყოფთ ღამის სიმპტომებს, რაც ვლიდნება:- ხვრინვით, უჩვეულო პოზიციით ძილის დროს, პირით სუნთქვით, გადაწეული კისრით, ხმაურიანი სუნთქვით, სუნთქვის შეჩერება/მოხრჩობით, ჭარბი ოფლიანობით, ხველით ძილის დროს, დღის სიმპტომებიდან გამოვყოფთ: - ასაკისათვის შეუსაბამო ძილს, მაგ: სასწავლო დაწესებულებაში, მოკლე მანძილზე ავტომობილში. ასევე, დამახასიათებელია პირით სუნთქვა, ყურადღების დეფიციტი, სირთულეები დასწავლისას. აგრეთვე: იმპულსურობა, ფეთქებადობა, გაღიზიანება, აგრესია; თავის ტკივილები დღის პირველ ნახევარში - დილით. აქონდროპლაზიის მქონე ბავშვებს ხშირად აღენიშნებათ ოტოლარინგოლოგიური ჩივილები, ნუშისებრი ჯირკვლებისა და ადენოიდების მეტისმეტად გადიდება - ჰიპერტროფია. იმისათვის, რომ აქონდროპლაზიის დროს სმენის დაქვეითების რისკი შევამციროთ, რეკომენდებულია სმენის რეგულარული შემოწმება აქონდროპლაზიის მქონე ბავშვების ცხოვრების ხარისხის ამაღლებისათვის სასიცოცხლოდ მნიშვნელოვანია: ფიზიკური თერაპევტის, ოკუპაციური თერაპევტისა და მეტყველების თერაპევტის მუშაობა ერთობლივად. აქონდროპლაზიის დროს აკრძალულია: კისრის ძლიერი და მკვეთრი მოხრა/გაშლა ხელში ჭერისა თუ კვების დროს. აგრეთვე აკრძალულია ზურგზე მწოლიარე მდგომარეობიდან ბავშვის ატაცებით წამოწევა კისრისა და თავის დაფიქსირების გარეშე აკრძალულია დატვირთული ფიზიკური აქტივობა: ხტუნვა, რწევა, გაჭიმვა ექიმები რეკომენდაციას არ უწევენ აქონდროპლაზიის მქონე ბავშვებში, “კენგურუს” ტიპის ბავშვის სატარებელ ჩანთებს. რეკომენდებულია: მუცელზე წოლა სიფხიზლისას დაბანისას, ნახევრად მწოლიარე პოზიცია აქონდროპლაზიის მქონე ბავშვებისათვის რეკომენდებულია თერაპია, რაც ყლაპვისა და სუნთქვის კოორდინაციის გაუმჯობესებას უწყობს ხელს │ მარგალიტა დათაშვილი

დისლიპიდემია არის ლიპიდების დისბალანსი, როგორიცაა სისხლში ლიპოპროტეინების მიერ ტრანსპორტირებადი ლიპიდების (ქოლესტეროლი, ტრიგლიცერიდები, ან ორივე ერთად) პათოლოგიურად მაღალი მაჩვენებელი. ლიპიდების, განსაკუთრებით დაბალი სიმკვრივის ლიპოპროტეინების (დსლპ) რაოდენობა ასაკთან ერთად მატულობს. მაჩვენებლები, ქალებთან შედარებით, მამაკაცებს შორის მცირედით უფრო მაღალია, თუმცა ქალებს შორის მისი მატება მენოპაუზის შემდეგ ვლინდება. ასაკთან დაკავშირებული ლიპოპროტეინების რაოდენობის მატება დისლიპიდემიას განაპირობებს და ზრდის ათეროსკლეროზის განვითარების რისკს. მაღალი სიმკვრივის ლიპოპროტეინის (მსლპ) – კარგი ქოლესტეროლის – მომატებული მაჩვენებელი სასარგებლოა და პათოლოგიად არ ითვლება. ჯანმრთელობის რამდენიმე ქცევას შეუძლია გავლენა მოახდინოს და გაზარდოს ლიპიდების დონე. მაგალითად: თამბაქოს მოხმარება. ფიზიკური უმოქმედობა. კვება და სიმსუქნე.ბკერძოდ, კვებითი რისკ ფაქტორები მოიცავს ხილის, თხილის/თესლების, ბოსტნეულის არასაკმარის მოხმარებას ან გაჯერებული ცხიმების დიდ მოხმარებას. ალკოჰოლის ჭარბად მიღება. დისლიპიდემიით გამოწვეული დაავადებები და გართულებები: პირველ ადგილზეა კარდიოვასკულური დაავადებები: ინფარქტი ინსულტი კორონარული არტერიების დაზიანება კაროტიდული არტერიების დაზიანება გულის უეცარი გაჩერება პერიფერიული არტერიების დაზიანებები მიკროვასკულური დაავადებები ლიპიდური ცვლის დარღვევა იწვევს ისეთ დაავადებებს, როგორიცაა: ღვიძლის გაცხიმოვნება პანკრეატიტი პირველადი ბილიარული ქოლანგიტი ასევე, იწვევს გართულებებს შემდეგი დაავადებებისას: საკვერცხის პოლიკისტოზის სინდრომი ჰიპოთირეოზი თირკმლის ქრონიკული დაავადებები დიაბეტი სიმპტომები: სისხლში ლიპიდების მომატებული რაოდენობა, ჩვეულებრივ, სიმპტომებს არ იწვევს. ზოგჯერ, როდესაც მაჩვენებლები განსაკუთრებულად მაღალია, ცხიმი ლაგდება კანსა და მყესებში და ქმნის ბორცვისებურ შემაღლებებს, რომელთაც ქსანთომები ეწოდება. ტრიგლიცერიდების მნიშვნელოვნად მომატებულმა რაოდენობამ შესაძლებელია ღვიძლისა და ელენთის ზომის მატება გამოიწვიოს და გაზარდოს პანკრეატიტის განვითარების რისკი. პანკრეატიტმა შესაძლოა მუცლის ძლიერი ტკივილი განაპირობოს და ფატალურიც კი აღმოჩნდეს. მკურნალობა / მართვა/ პაციენტის განათლება პაციენტებმა უნდა აღიარონ და დაიცვან ჯანმრთელობის სპეციფიკური ქცევები, რომლებსაც შეუძლიათ ლიპიდების დონის შენარჩუნება და შემცირება. დისლიპიდემიის საწყისი მკურნალობა მოიცავს ცხოვრების წესის შეცვლას. დიეტას, წონის კონტროლს, საკვებ რაციონში ნაჯერი ცხიმების შემცირებას, აქცენტი კეთდება ბოსტნეულის, ხილისა და მარცვლეულის მიღებაზე შესაბამისი კალორიული მოთხოვნილების ფარგლებში, მწეველებისათვის – თამბაქოს მოწევის შეწყვეტა, ასევე მოზრდილებმა უნდა მიიღონ ზომიერი და ენერგიული ფიზიკური დატვირთვა კვირაში 3-დან 4-ჯერ მინიმუმ 40 წუთის განმავლობაში.

მედკაპიტალის პედიატრი, ნათია ჯოხაძე, საუბრობს თემაზე: აუტისტური სპექტრის მქონე ბავშვი ადრეული ნიშნები, რომლებიც ძალიან საყურადღებოა: საზოგადოდ, ბავშვთა აუტიზმი განმარტებულია, როგორც განვითარების მძიმე დარღვევა. ეს ასეა, თუმცა, ბავშვი ამ სტატუსის ნაადრევად მიკუთვნებისგან რომ დავიცვათ, უპირატესობას ასეთ განსაზღვრას მივანიჭებთ:- აუტიზმი არის იმ დარღვევათა ერთობლიობა, რომელიც უარყოფითად ზემოქმედებს ბავშვის შესაძლებობაზე, დაამყაროს სხვებთან ურთიერთობა. ასეთი ფორმულირება საშუალებას გვაძლევს, იმედი არ გადავიწუროთ და ბავშვს განვითარების შანსი მივცეთ. თუ თქვენი შვილი სამ წლამდეა: არ რეაგირებს თქვენს მცდელობებზე, მიიქციოთ მისი ყურადღება და დააინტერესოთ, ან თუ საერთოდ არ გიმჩნევთ. არ ლაპარაკობს, ან უცნაურად, ან თავისებური ლექსიკით მეტყველებს. არ იღიმება, გარიდებთ მზერას და გაურბის ურთიერთობას. ირწევა, აქვს უჩვეულო რეაქცია ხმაურზე, შეხებაზე, სუნზე, ან ხშირად ერთსა და იმავეს აკეთებს, უცნაურად და ამოჩემებულად. უნდა გავბედოთ და ვთქვათ, საეჭვოა აქ აუტიზმის არსებობა. ვფიქრობთ, რომ გარკვეული ფაქტორები მნიშვნელოვნად უწყობს ხელს აუტისტური სინდრომის ჩამოყალიბებას. მაგ : - დედის ფსიქო-ემოციური მდგომარეობა, როგორც მშობიარობამდე, ისე შემდგომ. ასევე, დედა-შვილის ურთიერთობა ფეხმძიმობისა და ბავშვის დაბადების შემდეგ. პირველი სახიფათო ნიშნებია:- როცა ბავშვი უარს ამბობს დედის რძეზე, გაუთავებლად ატრიალებს თავს, იქნევს ხელებს თვალებთან და უყურებს ერთ წერტილს. 0-2 წლამდე დიაგნოსტირება ხდება მშობლების გამოკითხვის საფუძველზე და ის არ გულისხმობს ბავშვის ქცევაზე უშუალო დაკვირვებას. 2 წლიდან კი, დიაგნოზისათვის მის ქცევაზე უშუალო დაკვირვებაა აუცილებელი. დაკვირვება ხდება ყოველდღიურად, დროის მოკლე მონაკვეთში, ამას ემატება მარტივი დაავადებები. სამწუხაროდ, მზა რეცეპტი აუტისტური სპექტრის მქონე ბავშვებთან ურთიერთობის დღესდღეობით არ არსებობს, თუმცა რამდენიმე რჩევა მაინც შეგვიძლია მოგცეთ: არ შეგეშინდეთ, აპათიურ ბავშვთან ურთიერთობა. თავი ბავშვის ადგილას წარმოიდგინეთ, იფიქრეთ რას შეიძლება გრძნობდეს თქვენი პატარა. შეძლებისდაგვარად, ბავშვს მონაწილეობა მიაღებინეთ ოჯახურ აქტივობებში. ხმამაღლა ესაუბრეთ ყველაფერზე. ეცადეთ, მის ნაცვლად არაფერი გააკეთოთ, მხოლოდ დაეხმარეთ შვილს. ნუ შეუსრულებთ ყველაფერს, მხოლოდ იმის გამო, რომ ის არ ჰგავს სხვებს. თუ გაქცევა სურს, დაიჭირეთ და მაგრად მოეხვიეთ. უყურადღებოდ არ დაგრჩეთ მეუღლე და სხვა შვილები. და ბოლოს, ჩემო პაციენტებო, მე თქვენ ყველა მიყვარხართ, უბრალოდ, მიდგომას ვსწავლობ იმ ფენომენთან, რასაც აუტიზმი ჰქვია და ვიმედოვნებ, ამ სტატუსის მოზრდილი ასაკის ადამიანებთანაც შევძლებ შეხვედრას │ ნათია ჯოხაძე

წელის ტკივილი ერთ-ერთი ყველაზე გავრცელებული წუხილია საქართველოში. მედკაპიტალის ნევროლოგი, როზეტა გალოგრე, გვესაუბრება წელის ტკივილთან დაკავშირებულ საკითხებზე. რა იწვევს წელის ტკივილს? წელის ტკივილის ორი სახე არსებობს: მექანიკური და ანთებითი. მექანიკური ხასიათის წელის ტკივილს იწვევს: ჯდომითი ცხოვრების წესი ჭარბი წონა არასწორი ფიზიკური დატვირთვა უხერხული, არასწორი მოძრაობა ანთებითი ხასიათის წელის ტკივილს იწვევს ოსტეოქონდროზი სპონდილართრიტი - სპონდილართროზი რევმატიზმი რადიკულიტი, ლუმბაგო ნევრალგია ანთებითი წელის ტკივილი მოსვენებულ მდგომარეობაში მეტად შემაწუხებელია, ხოლო მოძრაობასთან ერთად ტკივილი მცირდება. წელის ტკივილის გამომწვევი მიზეზები: არსებობს წელის ტკივილის გამომწვევი სხვადასხვა დაავადება ვერებოროგენური, რომელიც დამოკიდებულია ხერხემლის პათოლოგიასთან; გინეკოლოგიური: საშვილოსნოს მილებისა და საკვერცხების ანთება ენდომეტრიოზი მტკივნეული მენსტრუაცია სასქესო ორგანოების დაწევა - გამოვარდნა სიმსივნური დაავადებები... უროლოგიური: ქრონიკული პილონეფრიტი შარდ-კენჭოვანი დაავადებები მწვავე ნეფრიტი ურეთრის აბსტრუქცია როდის უნდა მივმართოთ ექიმს? მხდარია ცნება, თითქოს, მხოლოდ ხერხემლის პათოლოგია იწვევს წელის ტკივილს. ხშირად, ამის მიზეზი მექანიკურია. მექანიკური ტკივილი ე.წ. წელკავი ლოკალიზდება, ძირითადად, წელის არეში და მისი გამომწვევი მიზეზი, როგორც აღვნიშნეთ, ხერხემლის გამშლელი კუნთების დაჭიმულობაა. სწორედ ამიტომ, პირველივე ტკივილის დროს, პაციენტმა უნდა მიმართოს ექიმს, რადგან მოხდეს სწორი კვლევა - დიაგნოსტირება, გამოვლინდეს ტკივილის გამომწვევი მიზეზები, დაინიშნოს სწორი მკურნალობა და დროულად იქნეს თავიდან აცილებული გართულებები, განსაკუთრებით, ხერხელმლის ანთებითი დაავადებების დროს, რაც გამოიხატება ხანგრძლივ ტკივილში, ან იწვევს გამოუსწორებელ დეფორმაციასა და შრომისუნარიანობის დაქვეითებას. წელის ტკივილის დროს ინიშნება: ფიზიოთერაპია სამკურნალო ვარჯიშები მასაჟი, ან მანუალური თერაპია ანთების საწინააღმდეგო პრეპარატები და ვიტამინები გარეგანი ანთების საწინააღმდეგო საშუალებები, მალამოები. პაციენტს მიეცემა რჩევები შეზღუდვების შესახებ როგორ ავირიდოთ წელის ტკივილი? პირველ რიგში, აუცილებელია, ცხოვრების სწორი წესის ჩამოყალიბება. მეტი აქტიური მოძრაობა: ფეხით სიარული, ცურვა... ფიზიკური დატვირთვის სწორი განაწილება სწორი ფიზიკური ვარჯიშები, გაჭიმვები. წონის რეგულაცია მედკაპიტალის ნევროლოგი │ როზეტა გალოგრე

მედკაპიტალის მეან-გინეკოლოგი, თამარ სოლოშვილი, საუბრობს ყველა ორსულისათვის საინტერესო თემაზე: რუჯი და ზღვა ორსულობის დროს. ორსულობა ბუნებრივი მდგომარეობაა. ყველა ორსულს სჭირდება განტვირთვა, დასვენება. მათ შორის, მზე,ზღვა და რუჯი. თუ ორსულს არ აღენიშნება ჯანმრთელობის პრობლემები, ცურვა საკმაოდ სასარგებლოა. ის აუმჯობესებს სისხლის მიმოქცევასა და თვითშეგრძნებას. ხსნის შეშუპებას და ამცირებს წნევას. შეიძლება ითქვას, რომ ამ დროს ორსული საკუთარ სხეულს ამზადებს მშობიარობისთვის. აუცილებელია, ნებისმიერი ფიზიკური აქტივობის დროს დაიცვათ უსაფრთხოების ზომები. რაც შეეხება ყველასთვის საყვარელ რუჯს: უსაფრთხოების ზომებიდან გამომდინარე, უმჯობესია, ორსული მოერიდოს შუადღის საათებში მზეზე ყოფნას. უნდა გახსოვდეთ, რომ ორსულობის დროს კანი უფრო მეტად მგრძნობიარეა მზის ულტრაიისფერი სხივების მიმართ. ადვილად ხდება კანის დამწვრობა და ორგანიზმის გაუწყლოება. გამოიყენეთ მზისგან დამცავი საშუალებები. რეკომენდაცია: ორსულობის პირველ ტრიმესტრში მოერიდეთ ფიზიკურ დატვირთვას, მათ შორის, ცურვას; მოერიდეთ მზეზე ყოფნას, თუ აღგენიშნებათ თაბრუსხვევა, სისუსტე და უჰაერობა. │ თამარ სოლოშვილი

მედკაპიტალის ოჯახის ექიმი ლია მამასახლისი საუბრობს გულის იშემიური დაავადებების შესახებ რა არის გულის იშემიური დაავადება? გულის იშემიური დაავადება (გიდ) - კომპლექსური პათოლოგიაა, რისი მიზეზიც არის გულის მკვებავი სისხლძარღვების ათეროსკლეროზული შევიწროვება და შეიძლება იყოს მცირე კალიბრის არტერიების თრომბოზი, ან სპაზმი (დროებითი შევიწროვება). შეკუმშვისთვის გულის კუნთს ესაჭიროება ენერგია (ჟანგბადი), რომლესაც იგი იღებს მისი მკვებავი სისხლძარღვების საშუალებით. როდესაც გულის მკვებავი არტერია შევიწროვებულია, ხდება კონკრეტული უბნის (ტერიტორიის) იშემია, ეს თავის მხრივ იწვევს კარდიომიოციტების ენერგეტიკულ კრიზისს. თუ აღნიშნული მდგომარეობა გრძელდება 30 წუთზე მეტს, კარდიომიოციტები „კვდება“ და ვითარდება მიოკარდიუმის ინფარქტი . რამდენად გავრცელებულია გულის იშემიური დაავადება? გულის იშემიური დაავადება საკმაოდ გავრცელებულია ადამაინთა პოპულაციაში და საშიში დაავადებაა. რიგ შემთხვევებში, ის ხდება სიკვდილის მიზეზი. რა უწყობს ხელს გულის იშემიური დაავადების განვითარებას? რისკ ფაქტორები საკმაოდ მნიშვნელოვანია გიდ-ის განვითარებაში: უმოძრაო ცხოვრების წესი არაჯანსაღი კვება თამბაქოს მოხმარება ალკოჰოლის ჭარბი და ხშირი მიღება ჭარბი წონა არტ.ჰიპერტენზია შაქრიანი დიაბეტი რა სიმპტომებით ვლინდება გიდი? ტკივილი გულმკერდის არეში, განსაკუთრებით, გულმკერდის შუა ნაწილში. ტკივილს აქვს მოჭერითი ხასიათი, რომელსაც შეიძლება თან ახლდეს ზეწოლისა და წვის შეგრძნება. ტკივილი შეიძლება ირადირებდეს (გადადიოდეს) მხრის, მკლავის, ზურგის, ბეჭის ქვეშ და ქვედა ყბის მიდამოში. შეიძლება იყოს ტკივილი კუჭის არეში. აგრეთვე შასაძლოა, გულის ტკივილს ახლდეს სუნთქვის გაძნელება, შიში, შფოთვა, დაღლილობა. რა არის „მუნჯი იშემია“ ? მუნჯი იშემია ერთ-ერთი სახიფათო პროცესია, რომელიც მიმდინარეობს გულის კუნთში სიმპტომის გარეშე და ხშირად მთავრდება მიოკარდიუმის ინფარქტით. მისი გამოვლენისათვის აუცილებელია კლინიკოლაბორატორიული და ინსტრუმენტალური კვლევები, როგორიც არის: ელექტროკარდიოგრაფია ( 24 საათიანი), ელექტროკარდიოგრაფია ჰოლტერის მეთოდით, ქოლესტერინის დონის განსაზღვრა სისხლში და კოაგულოგრამა. რას იწვევს გიდი? გიდი მნიშვნელოვნად ზღუდავს ადამიანის ცხოვრების წესს, მცირდება მისი შრომისუნარიანობა, უშლის ხელს მცირე ფიზიკურ აქტივობასაც. ამ დროს, პაციენტმა უნდა მიმართოს ოჯახის ექიმს, რომელიც მოახდენს დაავდების დროულ დიაგნოსტირებას და დაუნიშნავს შესაბამის მკურნალობას, ან საჭიროების შემთხვევაში უნდა მიმართოს კარდიოლოგს. მნიშვნელოვანია, პაციენტს დაენიშნოს დროული თერაპია. განსაკუთრებულია, ამ შემთხვევაში, მეტაბოლური თერაპია, რომლის მიზანია გულის კუნთის მიერ ჟანგბადის მიწოდების ოპტიმიზაცია, რომელიც მნიშვნელოვნად ამცირებს მიოკარდიუმის ინფარქტის განვითარებას. გისურვებთ ჯანმრთლობას და სულიერ სიშვიდეს │ ლია მამასახლისი

მედკაპიტალის ექიმი ნევროლოგი თინათინ ბასიაშვილი საუბრობს ინსულტის განვითარების, სიმპტომების, რისკებისა და მკურნალობის შესახებ: რა არის ინსულტი? ინსულტი სისხლის მიმოქცევის მწვავე მოშლაა, რომელიც განპირობებულია ტვინის სისხლძარღვოვანი პათოლოგიით. რა არის ინსულტის სიმპტომები? თავის ტკივილი მეტყველების დარღვევა ცნობიერების დაქვეითება ძალის დაქვეითება კიდურებში სახის ასიმეტრია მოძრაობის კოორდინაციის დარღვევა სახისა და კიდურების დაბუჟება რამდენი ტიპის ინსულტი არსებობს? არსებობს 2 სახის ინსულტი: იშემიური - რომელიც განპირობებულია თავის ტვინის არტერიის თრომბით დახშობით ჰემორაგიული - სისხლჩაქცევა თავის ტვინში, რომელიც ვითარდება სისხლძარღვის კედლის მთლიანობის დარღვევის შედეგად. შესაძლებელია თუ არა, ინსულტის მკურნალობა? თანამედროვე მედიცინაში, იშემიური ინსულტის მკურნალობის აღიარებული მეთოდებია: თრომბექტომია და თრომბოლიზისი თრომბექტომია - გულისხმობს სისხლძარღვიდან თრომბის ამოღებას ენდოვასკულარული გზით, რაც განაპირობებს სისხლის ნაკადის აღდგენას ტვინში. ის გამოიყენება მაშინ, როდესაც თრომბოლიზისი (ანუ თრომბის დაშლა) შეუძლებელია, მისი სიდიდიდან გამომდინარე. რა არის ინსულტის განვითარების რისკ-ფაქტორები? არითმია მაღალი არტ. წნევა შაქრიანი დიაბეტი ჭარბი წონა ალკოჰოლისა და თამბაქოს ჭარბი მოხმარება როგორ შეიძლება ინსულტის პრევენცია? დაარეგულირეთ სისხლის წნევა აკონტროლეთ ქოლესტერინის შემცველობა სისხლში შეწყვიტეთ ჭარბი ალკოჰოლის მიღება უარი თქვით თამბაქოზე მიირთვით ჯანსაღი საკვები აკონტროლეთ სხეულის მასა ივარჯიშეთ რეგულარულად ინსულტის ნაადრევი დიაგნოსტიკა და მკურნალობა განსაკუთრებით მნიშვნელოვანია იმიტომ, რომ ყველაზე მაღალი ინვალიდიზაციის ხარისხი ნევროლოგიაში, სწორედ ამ დაავადების გამოა. თანამედროვე მედიცინაში ინსულტის პრევენცია შესაძლებელია! │ თინათინ ბასიაშვილი

ცხოვრების ისეთი მნიშვნელოვანი ეტაპის წინ, როგორიც არის ორსულობა აუცილებელია მამოლოგთან ვიზიტი, რათა გამოირიცხოს ამა თუ იმ პრობლემის არსებობა სარძევე ჯირკვალში. ორსულობის დადგომის შემდგომ სარძევე ჯირკვლის ფორმა და სტრუქტურა იცვლება, რაც შეიძლება გახდეს სერიოზული დაავადების გაჩენის რისკი. ორგანიზმში მიმდინარე ჰორმონალურმა ცვლილებებმა შეიძლება გამოიწვიოს სარძევე ჯირკვალში უკვე არსებული წარმონაქმნების ზრდა. იგივე რეკომენდაციებია ექსტრაკორპორალური (ხელოვნური) განაყოფიერების წინ, ჰორმონალური კონტრაცეპტივებისა და ჩანაცვლებითი ჰორმონოთერაპიის შემთხვევებში │ ვლადიმერ ნადირაძე მამოლოგთან ვიზიტი აუცილებელია: 18-19 წლის გოგონებისათვის, რომელთაც არ აქვთ სერიოზული პათოლოგია და ონკოდაავადებებისადმი გენეტიკური განწყობა - წელიწადში ერთხელ მენსტრუალური ციკლის პირველ პერიოდში. (5-12 დღე.) სარძევე ჯირკვლების ექოსკოპია უნდა ჩატარდეს წელიწადში მინიმუმ ერთხელ. მამოგრაფია რეკომენდებულია 40-დან 70–მდე ასაკის ქალბატონებისათვის ორ წელიწადში ერთხელ. ექოსკოპიისა და მამოგრაფიის ჩატარება არ ანაცვლებს სპეციალიტთან ვიზიტს. ორსულობის დაგეგმვამდე, ექსტარაკორპორალურ (ხელოვნურ) განაყოფიერებამდე, ჩანაცვლებითი ჰორმონოთერაპიის დაწყებამდე. თუკი გაქვთ სარძევე ჯირკვლების არეში დისკომფორტი, ტკივილი. თუ შენიშნეთ გამონადენი დვრილიდან, სარძევე ჯირკვალში მოც. წარმონაქმნი. #მედკაპიტალი - თქვენი ჯანმრთელი მომავლისთვის!

მაია დოლიძე პასუხობს ყველაზე ხშირად დასმულ შეკითხვებს და განიხილავს მნიშვნელოვან საკითხებს გინეკოლოგია მედიცინის დარგია, რომელიც ქალის რეპროდუქციული სისტემის დაავადებებს შეისწავლის. გინეკოლოგიის მიზანია ამ დაავადებების დიაგნოსტიკა, მკურნალობა და პრევენცია. რომელი გინეკოლოგიური დაავადებები გვხვდება ყველაზე ხშირად? გინეკოლოგიური დაავადებები შეიძლება დავყოთ რამდენიმე ჯგუფად, ესენია - ენდოკრინული დარღვევები, სქესობრივი გზით გადამცემი დაავადებები, ანთებითი და არაანთებითი, ასევე ონკოლოგიური პათოლოგიები. რა სიხშირით უნდა მივმართოთ გინეკოლოგს? პროფილაქტიკური გასინჯვისათვის, უნდა მივმართოთ წელიწადში ერთხელ მაინც, ეს ძალიან მნიშვნელოვანია სხვადასხვა დაავადებების პრევენციისათვის, რადგან საწყის ეტაპზე აღმოჩენილი პათოლოგიის მკურნალობა გაცილებით ეფექტურია, ვიდრე შორს წასული შემთხვევების. იმ შემთხვევაში, თუ დაავადება დიაგნოსტირებულია, ვიზიტის სიხშირე განისაზღვრება ინდივიდუალურად, მკურნალი ექიმის მიერ. რა ასაკიდან უნდა მივმართოთ გინეკოლოგს? პროფილაქტიკური გასინჯვა, ქალმა, სიცოცხლის ნებისმიერ პერიოდში უნდა ჩაიტაროს - მომწიფების, რეპროდუქციულ ასაკში, პრე, მენო და პოსტმენოპაუზის პერიოდში, მიუხედავად იმისა, აქვს თუ არა სქესობრივი ცხოვრება. სიმპტომები, როდესაც ქალმა, დაუყოვნებლივ უნდა მიმართოს გინეკოლოგს? თუ ქალს აქვს შემდეგი ჩივილები: ჭარბი სისხლდენა, სისხლიანი გამონადენი მენოპაუზის პერიოდში, მუცლის ქვემო მესამედში ტკივილები, სხვადასხვა სახის გამონადენი, წვა და ქავილი, დაუყოვნებლივ უნდა მიმართოს გინეკოლოგს, თვითმკურნალობა გაუმართლებელია! და ბოლოს, გინეკოლოგიური რჩევა ქალებს ძვირფასო ქალებო, ნუ დაიზარებთ და ნუ გადადებთ გინეკოლოგთან ვიზიტს, ვინაიდან, ეს ძალიან მნიშვნელოვანია თქვენი სრულფასოვანი და ჯანმრთელი ცხოვრებისთვის. ︱ მაია დოლიძე